Dövlət başçısı İlham Əliyev sərəncamlar imzalayaraq dörd nəfərə Azərbaycan Respublikası prezidentinin fərdi təqaüdlərinin verilməsini tapşırıb. Ağamusa Axundov, Tofiq Hacıyev dilçilik, Eldar Mansurov musuqi, Mirvan Babayev nəqliyyat-yol infrastrukturu sahəsində xidmətlərinə görə prezident təqaüdünə layiq görülüb.
Fevralın 21-də prezident təltifləri nəzərdə tutan sərəncamlara da imza atıb. Səlahəddin Xəlilov “Şöhrət” ordeni ilə təltif edilib. Təltif onun Azərbaycan Respublikasının ictimai həyatında fəal iştirakı ilə əsaslandırılıb. Nəqliyyat Nazirliyi “Azəryolservis” Açıq Səhmdar Cəmiyyətinin əməkdaşı Məhərrəm Əsədov isə “Şöhrət” ordeninə nəqliyyat-yol infrastrukturunun inkişafındakı xidmətlərinə görə layiq bilinib.
Dövlət başçısı Azərbaycanın ictimai həyatında fəal iştirakına və gənclərin vətənpərvərlik tərbiyəsindəki xidmətlərinə görə Veteranlar Şurasının üç üzvünə də “Şöhrət” ordeni verib: Həsənov Çingiz Kərim oğlu, Hüseynov Bahadur Məmmədqulu oğlu, Qritçenko Aleksandr Aleksandroviç.
“Azəryolservis”in 17 əməkdaşı isə "Tərəqqi" medalı ilə təltif olunub:
Əliyev Mehman Həmzə oğlu
Babayev Telman Mustafa oğlu
Həsənov Raqib Hüseyn oğlu
Xanməmmədov Şakir Kəbir oğlu
Kərimov Əfqan Sabir oğlu
Kərimov Vəliş Əliş oğlu
Qaffarov Qaffar Abdulla oğlu
Qubadov Qubad Sabir oğlu
Məmmədov İlqar Balağa oğlu
Məmmədov Məhərrəm İsaq oğlu
Musayev Məhəmməd Nurəddin oğlu
Musayev Muxtar Məmməd oğlu
Nəcəfov Şəmsi Kərim oğlu
Ocaqverdiyev Əlyar Hidayət oğlu
Səlimov Məmmədağa Nurəddin oğlu
Sultanov Rəşid Mirzəxan oğlu
Vəliyev Şadoğlan Baloğlan oğlu.
Azərbaycanda nəqliyyat-yol infrastrukturunun inkişafındakı xidmətlərinə görə Rüstəmov Hidayət Cahangir oğluna “Əməkdar mühəndis” fəxri adı verilib.
Mirkazım Heydər oğlu Seyidov isə Azərbaycan mədəniyyətinin inkişafındakı xidmətlərinə və diaspor quruculuğu sahəsindəki səmərəli fəaliyyətinə görə 3-cü dərəcəli “Vətənə xidmətə görə” ordeni ilə təltif edilib.
