 |
|
Hadı Rəcəbli |
Hazırda Dövlət Komitəsi hər ay 530 min nəfərin kommunal xərclərini ödəyir. Qaçqınların və Məcburi Köçkünlərin İşi üzrə Dövlət Komitəsindən «Media forum» saytına verilən məlumata görə, hər ay komitə bir nəfər məcburi köçkünün işlətdiyi elektrik enerjisinin 30 kilovat saatının (1 manat 80 qəpik), mavi qazın isə 72 kubmetrinin (3 manat 40 qəpik) pulunu verir.
H.Rəcəbli məcburi köçkünlərin kommunal xərclərinin ödənilməsi ilə bağlı fikirlərini açıqlayarkən perspektikdə bu təbəqənin də sosial müdafiəsində ünvanlılığın olmasını vacib sayıb. Lakin o, məcburi köçkünlər üçün ünvanlı dövlət sosial yardımı verilməsinin hələ bir təklif kimi səsləndiyini, parlament dairələrində müzakirə predmetiolmadığını vurğulayıb. H.Rəcəblinin sözlərinə görə, məcburi köçkünlərin sosial vəziyyətini yaxşılaşdırmaq üçün ünvanlılığın həddi müəyyənləşdirilməlidir: «Gələcəkdə bunlar tənzimlənməlidir. İnsanların tələbatının normasına uyğun olaraq ünvanlı sosial yardım forması tapılmalıdır».
Komissiya sədri onu da əlavə edib ki, hazırda «Qaçqınkom» həm çadırda yaşayan məcburi köçkünün kommunal xərclərini ödəyir, həm də, tutalım, Bakıda evi olan, bizneslə məşğul olan koçkünün: «Sizcə, bü düzgündürmü? Sosial yardımların ünvanlılığı səmərəlilik deməkdir».
Ünvanlı dövlət sosial yardımının alınması üçün ehtiyac meyarının 40 yeni manat olduğunu xatırladan komissiya sədri qeyd edib ki, hazırda məcburi köçkünlərə adambaşına 9 yeni manat «çörəkpulu» verilir: «Əgər məcburi köçkün ailəsində beş nəfər varsa, onda təkcə elə bu yardımların nəticəsində həmin ailənin gəliri 45 yeni manata gəlib çıxır. Bu hesabla əksər məcburi köçkünlərə ünvanlı sosial yardım düşmür. Bu yardım ancaq ailənin gəlirinin 40 manatdan aşağı olması halında verilir».
