Prezident İlham Əliyev fevralın 6-da Fransa Senatın üzvü Natali Qulenin başçılıq etdiyi nümayəndə heyətini qəbul edib. Nümayəndə heyətinə daha 5 senator daxildir.
AzərTAc-ın məlumatına görə, dövlət başçısı qondarma “erməni soyqırımı”nın inkar edilməsinə görə cəza nəzərdə tutan qanunun əleyhinə səs vermiş Natali Quleyə və digər senatorlara təşəkkür bildirib. Prezident Fransa Senatında müzakirə olunan bu qanunu tarixi təhrif edən, demokratiyaya, söz azadlığına zidd olan, yalan və saxta məlumatlara əsaslanan təşəbbüs kimi dəyərləndirərək onun qüvvəyə minməyəcəyinə ümidvar olduğunu bildirib.
